TRIBUNAL ROTAE ROMANAE¹

Art. 126 – Hoc Tribunal instantiae superioris partes apud

Apostolicam Sedem pro more in gradu appellationis agit ad iura in

Ecclesia tutanda, unitati iurisprudentiae consulit et, per proprias

sententias, tribunalibus inferioribus auxilio est.

Art. 127 – Huius Tribunalis Iudices, probata doctrina et

experientia pollentes atque e variis terrarum orbis partibus a Summo

Pontifice selecti, collegium constituunt; eidem Tribunali praeest

Decanus ad certum tempus a Summo Pontifice ex ipsis Iudicibus pariter

nominatus.

Art. 128- Hoc Tribunal iudicat:

1° in secunda instantia, causas ab ordinariis tribunalibus primae

instantiae diiudicatas, quae ad Sanctam Sedem per appellationem

legitimam deferuntur;

2° in tertia vel ulteriore instantia, causas ab eodem Tribunali

Apostolico et ab aliis quibusvis tribunalibus iam cognitas, nisi in

rem iudicatam transierint.

Art. 129 – § 1. Idem vero in prima instantia iudicat:

1° Episcopos in contentiosis, modo ne agatur de iuribus aut bonis

temporalibus personae iuridicae ab Episcopo repraesentatae;

2° Abbates primates, vel Abbates superiores congregationis

monasticae et supremos Moderatores Institutorum religiosorum iuris

pontificii;

3° dioeceses ceterasve personas ecclesiasticas, sive physicas sive

iuridicas, quae superiorem infra Romanum Pontificem non habent;

4° causas quas Romanus Pontifex eidem Tribunali commiserit.

§ 2. Easdem causas, nisi aliter cautum sit, etiam in secunda et

ulteriore instantia agit.»

Art. 130 – Tribunal Rotae Romanae lege propria regitur.

(1) Iohannes Paulus PP.II, Constitutio Apostolica Pastor Bonus, De Romana Curia, 28 iunii 1988, in AAS 80 (1988) 841-912. Giovanni Paolo II, Sommo Pontefice, Costituzione Apostolica «Pastor Bonus» sulla Curia Romana, Tipografia Poliglotta Vaticana, 1988.